يوم ككل الأيام

من زمان ما شحبرت عن معابري .. هيك وخبصت ..

اليوم حسيت أنه منيح من أوله
ما بعرف ليش ..
بعض من الناس اللي حكوا معي رح يعرفو عن قصة حاستي السادسة الخارقه


المهم ..
في المدرسة ترتيب قاعات .. وامتحان أول
لحسن الحظ أو لسوءه .. كان امتحاني .. ولمادة مش تخصصي
علوم أرض

كنت براقب على قاعة بنفس الوقت
بس تقريبا .. كنت براقب على 6 قاعات بنفس الوقت .. زي القرد .. من قاعة لقاعة
وتخيلوا اني مسكت اثنين بغشو بقاعة مش قاعتي

المهم عدا اليوم على خير ..
بعد ما خلص الامتحان وكونه مديرنا المقلعط بحبسنا على الفاضي كمان كم ساعه
وكونه جو المدرسة ما بنفع فيه اشي الا طق الحنك اللي ما إلي عليه ولا بشلن
قعدت أحضر بفلم أسمه
Prom Wors
ماشي حالة ماشبو شي


من المدرسة .. طلعت على الجامعه
اكلت .. وفتحت مركز الايكو الاقرع للاستشارات العاطفيه وخدمة المجتمع
الشباب الحبيبة
واحد فايت وواحد طالع .. لو بهموا .. طان عرفوا أنو أنا أفشل واحد عاطفياً ..
على اعتبار تاريخي العاطفي الحريقه ..
بس الناس بحبوا اللي بتفلسف وبنظّــر .. واني مالني .. انتو احرار

قعدت شوي عالنت .. ما بين محجوب .. ونزلت كم فلم ..

ساعدت صاحبي .. بشغله
والغمه اللي كانت على قلبي ..
شريك المختبر اللي أكبر مني
خلص شغله اليوم .. وروووووووووووووح
يالله شو ارتحت

رتبت أوراق الامتحان .. تمهيدا لتصليحها .. بس بعده عقلي بقلي ما أصلح


وهيك .. هيني هون ..
كمان شو قايم أنقلع أنام ..

ما في أشي بس حبيت أشعبر عن نخاشيشي الجوانيه
تصبحون على خير .. زواري الاعزاء